Rosendal background photo

Historia om Sundepølsa

Historia om Sundepølsa

1936 var året då Øyvind Olsen og Gunnar Røssland byrja å produsera den etterkvart så vidgjetne Sundepølsa på Sunde i Sunnhordaland. Etter krigen overtok Lars Olsen delen til Røssland, til han la ned produksjonen ved årsskiftet 2001. På dette tidspunktet var det mange som frykta at dette var slutten for den populære pølsa. Men på sommaren det same året vart det klart at eg skulle overta produksjonen. Dette vart starten på Rosendal Gardsmat, som har ført tradisjonen videre siden 2001.

Med god hjelp av mannen min Oddvar som pølse- og rekneskapsassistent, og sønene mine som mekanikarar, så produserer vi 20 tonn pølse i året. Dette i produksjonslokalet heime på familiegarden.

Pølsa vert produsert under same namn og same tradjson som då pølsa såg dagens lys i 1936.

Sundepølsa har ei særskild oppskrift, og den har eg aldri endra på. Eg set høge krav til gode råvarer av storfe- og svinekjøt og den har ingen kunstige tilsetningsstoffar. Slik får pølsa ein god og jamn kvalitet.

I 2008 vart Sundepølsa kåra til årets produkt under Matfestivalen i Bergen, og i 2008 og 2010 kvalifiserte pølsa seg til landsfinala i Det norske måltid. Vi fikk også gull då vi deltok i Norgesmesterskapet i Kjøttproduksjon i 2015.

- Håpar det smakar!

Her får du kjøpt Sundepølsa Ta kontakt